BUTUAN CITY - Mi-abot sa P94,000 ang
kwartang nakuha sa wala ma-ilang mga suspek human gisulod ang Municipal
Treaurer's Office sa lungsod sa Alegria, Surigao del Norte og gibungkag ang
gisudlan niining steel cabinet.
Nadiskubrehan ang maong insidente
pasado alas-6:20 kagahapon sa buntag ni municipal treasurer Editha Martinez,
minyo og residente sa Barangay Quano, sakop sa maong lungsod.
Misulod matud pa ang mga responsable
sa maong dakbalay pinaagi sa pagguban sa padlock og pagtangtang sa mga jalousie
blades sa bintana.
Padayon karon ang follow-up
investigation aron ma-ila ang mga responsable og makuha pagbalik ang gikawat
nga kwarta.
Source:
Bombo Radyo Philippines
