Adunay duha lang ka isog nga tawo nga nagpapili isip kandidato sa pagka Mayor sa lungsod sa Alegria, Surigao del Norte karung Mayo 13, 2013 National and Local Elections. Kini mao si incumbent Mayor Dominador G. Esma, Jr. ug si former Vice Mayor Roberto L. Ugay. Kinsay imong pilion?
Sa pagsugod palang sa kampanya, adunay dajun mga isyu nga gibato ni Ugay ngadto kang Esma. Kini kababin sa giingong dakong utang sa administrasyon ni Esma labina gajud ang pagpamalit og mga dump truck ug backhoe. Apan gitubag kini ni Esma nga ang mga dagkong ekwepo sama sa duha ka dump trucks ug usa ka back hoe importante kaayo sa lungsod arun magamit sa pagpahiluna sa mga infrastructure projects. Dugang pa niini, ang maong ekwepo naghatag pud og kwarta sa panudlanan sa lungsod nga kita panahon nga gamiton ang mga ekwepo sa pribadong institusyon. Sa panahon usab sa mga kalamidad sama sa baha o landslide, magamit gajud daw ang maong ekwepo.
Sa laing bahin, si Ugay nga magpapili isip mayor sa lungsod sa Alegria hugot nga nagpasangil nga ang dakong utang dili kinahanglanon arun lamang ipalit og dagko ug mahalon nga nga ekwepo kay dili man daw makaya pagbayad sa lungsod. Subo lang sab daw nga palandugon nga adunay maayo nga ekwepo pero maglisud gani pagpasweldo sa mga empleyado sa lungsod.
Ang problema sa utang sa lungsod maoy usa ka dili malikayan. Apan subo usab nga palandungon nga ang utang dili mabayran panahon nga ang usa ka mayor mahuman na sa iyang termino sa serbsiyo. Pananglitan, nahuman si kanhi Mayor Ruben O. Zamora sa ikatulo nga termino apan gisayu sa nisunod kaniya nga mayor nga si Dr. Jessie U. Aguilera. Sa dihang nahuman usab ni Mayor Aguilera ang tulo ka termino ug laing administrasyon napud ni Mayor Dominador G. Esma, Jr. ang nagpadajun pagbayad sa utang.
Ang dakong pangutana karun, kung modaug si Mayor Esma sa ikatulong termino, magbilin kaha sija og utang sa lungsod arun ang mosunod napud sa iya maoy magbago pagbayad sa maong utang? O si Mayor Esma kaha ang unang mayor sa lungsod sa Alegria nga dili gajud magbilin nan utang sa ijang lungsod? Kung pananglitan, si Ugay ang mahimong magmadaugon, wala naba kahay utang ngahimoon sa lungsod sa Alegria ang mahitabo?
Ikaw ang magdesisyon, igsoon! Naa sa imong mga kamot ang umaabot nga kahimtang sa lungsod sa Alegria. Mao kinahanglanon gajud an imong dakung partisipasyon sa piniliay.
(Vote! http://polldaddy.com/poll/7058376/?view=results )
Source: http://alegriaelections.wordpress.com/2013/04/28/poll-survey-kinsay-imong-botaran-pagka-mayor-sa-alegria-kuman-mayo-13-2013/
