BUTUAN
CITY - Tungod sa aktibong suporta sa komunidad, napara og nasikop ang usa ka
lalaking nagdala og armas nga wala'y pertinenteng papeles sa gilusad nga
checkpoint sa hini-usang pwersa sa Kitcharao Municipal Police Station og sa
Special Force ingon man sa Philippine Army sa may Barangay Mahayahay,
Kitcharao, lalawigan sa Agusan del Norte.
Nasayrang
nakadawat og intelligence report ang Kitcharao police nga usa ka NPA member ang
nakit-ang nagsakay og motorsiklo nga duna'y karga padulong sa bukid sa Barangay
Camp Edward, lungsod sa Alegria, Surigao del Norte, hinungdan nga gilusad
gilayon ang checkpoint.
Pasado
alas-11:30 kagabii dihang napara sa checkpoint si Nelson Soriaco, 19-anyos,
residente sa Barangay Camp Edward og sa gihimong inspeksyon, nakuha gikan
kaniya ang usa ka yunit sa caliber .357 revolver diha sa hawak nga bahin niini.
Dihang
wala'y napakitang papeles, dinhi na gisikop ang suspek kinsa nakuhaan pa og
subersibong dokumento batuk sa gobyerno diha sa iyang pitaka.
Gi-andam
na ang kasong ipasaka batuk kaniya.
Source:
Bombo Radyo Philippines
